គេហទំព័រសម្រាប់កូនខ្មែរ

ក្តារសរសេរភាសាខ្មែរដំបូងគេលើ Android

happylkt — Tue, 15 Nov 2011 14:18:30 +0000

ដើម្បីជាការអភិរក្ស និងលើកស្ទួយអក្សរសាស្ត្រខ្មែរឲ្យកាន់តែមានភាពទំនើបដើរទាន់តាមសម័យកាលបច្ចេកវិទ្យារបស់ពិភពលោក និស្សិត និងបញ្ញវន្តខ្មែរមួយក្រុមបានផ្ដួចផ្ដើមគំនិតក្នុងការបង្កើតក្ដារសរសេរជាភាសាខ្មែរដំបូងគេសម្រាប់ Android ប្រើលើទូរស័ព្ទដៃប្រភេទSmartphone។

ស្ថាបនិក ហ្វុន យូនីកូដ លោកដាញ់ ហុង ដែលជាអ្នកចូលរួមបង្កើតគំនិតផ្ដួចផ្ដើមនេះបានលើកឡើងថា បច្ចុប្បន្នក្រុមរបស់លោកកំពុងរៀបចំធ្វើពុម្ពគំរូតួអក្សរខ្មែរដាក់ឲ្យ Developer របស់ចិនពិនិត្យដើម្បីឲ្យពួកគេជួយបង្កើតកម្មវិធីដែលអាចសរសេរតួអក្សរខ្មែរលើទូរស័ព្ទដៃរបស់ Smartphone។

លោកបន្តទៀតថា នេះគ្រាន់តែជាដំណាក់កាលចាប់ផ្ដើមប៉ុណ្ណោះ វានៅមិនទាន់រួចរាល់ទាំងស្រុងនោះទេ។ “ពេលយើងបញ្ជូនពុម្ពអក្សរខ្មែរឲ្យខាង Developer ចិនធ្វើរួចរាល់ យើងនឹងវាយតម្លៃជាថ្មីថាតើមានអ្វីដែលត្រូវកែសម្រួល ឬផ្លាស់ប្ដូរបន្ថែមទៀត”។

ស្ថាបនិកខ្មែរ យូនីកូដរូបនេះបញ្ជាក់ថា ការងារនេះមិនជាការងាយស្រួលប៉ុន្មាននោះទេ ពីព្រោះវាត្រូវការការត្រិះរិះពិចារណាឲ្យបានម៉ត់ចត់លើទម្រង់តួអក្សរ ឬរបៀបនៃការសរសេរដើម្បីឲ្យវាប្រើទៅមានភាពងាយស្រួលសម្រាប់អ្នកប្រើប្រាស់។

លោកបន្តទៀតថា បច្ចុប្បន្នទូរស័ព្ទ Smartphone ដែលដំណើរការណ៍ដោយ Android មិនអាចស្គាល់ យូនីកូដខ្មែរបាននោះទេ។ យ៉ាងណាមិញមានសិស្សនិស្សិតខ្មែរ ដែលជាអ្នកគាំទ្រនិងប្រើប្រាស់ Android បានព្យាយាមបំបែកកូដ (Root) ដើម្បីឲ្យ Android អាចស្គាល់តួអក្សរខ្មែរលើប្រភេទទូរស័ព្ទដៃបានមួយចំនួនផងដែរ ប៉ុន្តែមិនទាន់ទូលំទូលាយនៅឡើយ។

“អ្វីដែលយើងធ្វើនៅពេលនេះ គឺងាយស្រួលដល់ថ្ងៃក្រោយពេលដែល Android ស្គាល់តួអក្សរខ្មែរបានទូលំទូលាយ ពេលនោះយើងនឹងមានកម្មវិធីមួយដែលប្រើការសរសេរ ជាជាងការចុចដែលវាពិបាក និងស្មុគស្មាញ”។

និស្សិតឡូវ គឹមថេង ដែលជាអ្នកផ្ដួចផ្ដើមគំនិតមួយរូបដែរនោះបានឲ្យដឹងដែរថា ប្រសិនបើកិច្ចការនេះទទួលបានជោគជ័យ វាពិតជាល្អប្រសើរណាស់សម្រាប់អ្នកប្រើ Android ដែលពួកគេមិនចាំបាច់ពិបាកទៀតនោះទេ ដោយពួកគេគ្រាន់តែប្រើការសរសេរ ឬគូសវាសនៅលើ Touchpad ទៅវាលឿនរហ័ស និងងាយស្រួល។

យ៉ាងណាមិញលោកដាញ់ ហុង បានសំណូមពរឲ្យអ្នកដែលមានជំនាញខាង Developer ក្នុងស្រុកឲ្យជួយដើម្បីធ្វើឲ្យកិច្ចការងារទាំងនេះដំណើរការណ៍ទៅកាន់តែមានភាពងាយស្រួល និងទទួលបានជោគជ័យ។

គំនិតបង្កើតក្ដារសរសេរភាសាខ្មែរលើ Android នេះបង្កើតឡើងដោយស្ថាបនិក ហ្វុន យូនីកូដខ្មែរលោក ដាញ់ ហុង និស្សិត ទេព សុវិចិត្រ និងឡូវ គឹមផេង ហើយក៏មានការចូលរួមជួយជាគំនិតពីអ្នកដែលគាំទ្រ និងកំពុងប្រើប្រាស់ប្រព័ន្ធ Android មួយចំនួនផងដែរ។

អត្ថបទ៖ http://sabay.com.kh

http://sabay.com.kh/articles/164143

បុគ្គល ១០រូបមានឥទ្ធិពលខ្លាំងបំផុតក្នុងឆាកជីវិត របស់លោក Steve Jobs

happylkt — Sun, 06 Nov 2011 02:57:15 +0000

Laurene Powell Jobs ជាភរិយាតែងតែនៅក្បែរលោក Jobs ជានិច្ច, Jony Ive គឺជាមិត្តដ៏ស្និទ
ស្នាលបំផុតរបស់លោក Steve Jobs នៅក្នុងក្រុមហ៊ុន Apple,លោក Bill Gates គឺជាគូប្រជែង
សំខាន់បំផុតរបស់ Steve Jobs …ពួកគេទាំងអស់គឺសុទ្ធសឹងតែមានឥទ្ធិពលខ្លាំងបំផុតមក
លើឆាកជីវិតរបស់លោក Steve Jobs ។

សៀវភៅជីវប្រវត្តិរបស់លោក Steve Jobs ដែលជាស្នាដៃរបស់លោក Walter Issacson ត្រូវ
បានធ្វើការចែកចាយជាផ្លូវការកាលពីថ្ងៃទី ២៤ តុលា កន្លងមកនេះ ។ ក្នុងអត្ថន័យដែលបាន
បង្ហាញក្នុងសៀវភៅនោះបានធ្វើការឆ្លុះបញ្ចាំងអោយឃើញពីជីវិតរស់នៅរបស់លោក ទាំង
ក្នុងសង្គមក៏ដូចជាក្នុងកិច្ចការងាររបស់គាត់ផងដែរ ។ មិនតែប៉ុណ្ណោះក្នុងសៀវភៅនេះក៏បាន
ធ្វើការឆ្លុះបង្ហាញពីមនុស្សមួយចំនួនដែលតែងតែបង្ហាញរូបរាងនៅក្បែរខ្លួនលោក នឹងត្រូវ
បានចាត់ទុកថាគឺជាមនុស្សដែលមានឥទ្ធិពលខ្លាំងបំផុតសំរាប់លោក Steve Jobs ដែលធ្វើ
អោយលោកទទួលបានជោគជ័យដ៏ធំធេងសំរាប់ពិភពលោកបច្ចុប្បន្ននេះ ។
ឪពុកចិញ្ចឹម Paul Jobs -អ្នកផ្តល់អោយលោក Steve Jobs មានគំនិតដ៏អស្ចារ្យ

Paul Jobs គឺជាជាងម៉ាស៊ីនម្នាក់ និងគាត់គឺជាអ្នកដែលបានបង្រៀនអោយលោក Steve Jobs
ស្គាល់ពីវិធីបង្កើតនូវសមិទ្ធិផលមួយប្រកបដោយជោគជ័យតាំងតែពីលោក Steve Jobs មាន
វ័យក្មេងនៅឡើយ ។ Paul Jobs ក៏ជាមនុស្សដំបូងគេដែលបានមើលឃើញពីទេពកោសល្យ
ដ៏អស្ចារ្យមាននៅក្នុងខ្លួនរបស់ Steve Jobs និងបានស្នើសុំអោយគ្រូបង្រៀននៅសាលាបឋម
ដែល Steve រៀននោះអោយយកចិត្តទុកដាក់ចំពោះកូនគាត់ ។
Steve Wozniak – មិត្តភក្តិសិទ្ធស្នាលបំផុតរបស់ Steve Jobs និងជាអ្នកដែលចូល
រួមបង្កើត Apple ឡើង

ចាប់តាំងពីបានជួបគ្នាជាលើកដំបូងខណៈពេលដែលលោក Steve Jobs កំពុងសិក្សាថ្នាក់
មធ្យមសិក្សា ពួកគាត់ទាំងពីរនាក់បានរកឃើញពីភាពស៊ីមេទ្រីគ្នា គំនិតដូចគ្នា ស្រលាញ់
ចូលចិត្តខ្លាំងលើម៉ាស៊ីនកុំព្យូទ័រដូចគ្នា ។ ក្រោយមកពួកគាត់ក៏បានលក់ទ្រព្យសម្បត្តិមាន
តំលៃរបស់ខ្លួនទាំងប៉ុន្មានប្តូរយកប្រាក់ ១៣០០ ដុល្លាអាមេរិក ដើម្បីបង្កើត Apple ឡើង។
Robert Noyce – អ្នកណែនាំដល់ Jobs នៅកំឡុងពេលដែលចាប់ផ្តើមការងារដំបូង

ភរិយារបស់លោក Noyce លោកស្រី Ann Bowers ក៏ជាបុគ្គលម្នាក់ក្នុងចំណោមបុគ្គលសំខាន់
បំផុតរបស់ Apple នៅក្នុងកំឡុងពេលថ្ងៃបង្កើតក្រុមហ៊ុនដំបូង ។ លោក Noyce ត្រូវបានគេ
យល់ថាជាអ្នកដែលបាន”បង្ហាត់បង្ហាញផ្លូវ”ដល់លោក Jobs ក៏ដូចជា Apple ទាំងមូលនៅក្នុង
រយៈកាលនៃឧបសគ្គដំបូងរបស់ខ្លួន ។ នៅក្នុងរយៈកាលនោះគេតែងតែឃើញលោក Jobs
បានទៅលេងដល់គេហដ្ឋានផ្ទាល់របស់ប្តីប្រពន្ធលោក Noyce ជាញញឹកញាប់និងរហូតយប់
ជ្រៅទើបត្រលប់មកវិញទៀតផង ។
Laurene Powell – អ្នកដែលបានឈរពីក្រោយភាពជោគជ័យរបស់ Jobs រយៈពេល
២០ឆ្នាំកន្លងមក

Jobs រៀបការជាមួយ Laurene Powell ក្នុងឆ្នាំ ១៩៩១ និងមានកូនបីនាក់គឺឈ្មោះ Reed Paul
Erin Sienna និង Eve ។ ពួកគាត់ទាំងពីរជួបគ្នាដំបូងនៅពេលលោកស្រី Laurene Powell នៅ
ជានិស្សិតនៃសាកលវិទ្យាល័យ Standford Business នៅឡើយ។ Jobs បានជាប់ចិត្តជាមួយ
គាត់តាំងតែពីបានឃើញដំបូងម៉េ្លះ ។ រាត្រីថ្ងៃដំបូងនោះពួកគាត់ទាំងពីរមានពេលទទួលទាន
អាហារជាមួយគ្នាមួយប្រកបដោយភាពរ៉ូមែនទិកបំផុត (Jobs បានអវត្តមានការប្រជុំមួយដ៏
សំខាន់នៅក្នុងក្រុមហ៊ុនដើម្បីទៅទទួលទានអាហាររាត្រីជាមួយ Powell) ។
បន្ទាប់ពីដឹងថាលោក Steve Jobs មានជំងឺមហារីក លោកស្រី Powell មានការព្រួយបារម្មណ៍
យ៉ាងខ្លាំង ។ គាត់បានធ្វើទំនាក់ទំនងជាមួយអ្នកជំងឺជាច្រើននៅតាមរដ្ឋនីមួយៗក្នុងប្រទេស
អាមេរិកដើម្បីស្វែងរកអ្នកដែលស្ម័គ្រចិត្តបរិច្ចាគថ្លើមសំរាប់ធ្វើការវះកាត់ជូនលោក Jobs ។
Bill Gates – គូប្រជែងសំខាន់បំផុតរបស់ Steve Jobs

Microsoft និង Apple គឺជាគូប្រជែងពីរដែលអាចនិយាយបានថាជា”សត្រូវសួពូជ”នឹងគ្នា។ តែ
ថ្នាក់ដឹកនាំរបស់ក្រុមហ៊ុនទាំងពីរនេះមិនដូច្នោះទេ ពួកគាត់តែងតែគោរពគ្នាទៅវិញទៅមក
និងប្រើប្រាស់ភាពជោគជ័យរបស់ភាគីម្ខាងទៀតដើម្បីធ្វើអោយក្រុមហ៊ុនរបស់ខ្លួនមានការ
ប្រសើរឡើង ។ ជាក់ស្តែងគឺកាលពីកំឡុងប៉ុន្មានខែមុននៅមុនពេលទទួលមរណៈភាព លោក
Steve Jobs បានធ្វើជំនួបគ្នាមួយជាមួយលោក Bill Gates នៅឯគេហដ្ឋានរបស់គាត់ ។ លោក
Gates ក៏គឺជាអ្នកដែលបាន”ជួយសង្រ្គោះ” Apple ផងដែរ ដោយបានអោយលោក Jobsខ្ចីទុន
យកទៅជួយ Apple ខណៈពេលដែលក្រុមហ៊ុននេះកំពុងស្ថិតនៅក្នុងដំណាក់កាលជួបនូវ
ឧបសគ្គលំបាកបំផុតនោះ ។
Ed Woolard – អ្នកនាំ Steve Jobs វិលត្រលប់មក Apple វិញក្នុងឆ្នាំ១៩៩៧

Woolard គឺជាបុគ្គលម្នាក់ដែលមាន”ទឹកមាត់ប្រៃ”ក្នុងការនាំយកលោក Steve Jobs អោយ
វិលត្រលប់មក Apple វិញ និងបានតែងតាំងលោក Steve ជាCEO នៅក្នុងឆ្នាំ ១៩៩៧ ខណៈ
ពេលដែលក្រុមហ៊ុននេះស្ថិតក្នុងដំណាក់កាលហៀបនឹងក្ស័យធន ។ នៅក្នុងក្រសែភ្នែក
របស់ Jobs លោក Woolard គឺជាបុគ្គមា្នក់ដែលមានការសំរេចចិត្តប្រកបដោយភាពត្រឹមត្រូវ
និងគួរគោរពស្ញប់ស្ញែងបំផុត ។
Jony Ive -មិត្តភក្តិជិតស្និទបំផុតរបស់ Jobs ក្នុងក្រុមហ៊ុន Apple

មិនត្រឹមតែជាមិត្តដែលជិតស្និទបំផុតនោះទេ លោក Ive គឺជាអ្នកដែលបានចូលរួមចំណែកធ្វើ
អោយសមិទ្ធិផលរបស់ Apple ដូចជា MacBook រឺក៏ iPhone, iPod ទទួលបានការពេញនិយម
បំផុតទៀតផង ។ ភរិយារបស់លោក Steve -Laurene Powell Jobs ធ្លាប់បាននិយាយថា”រាល់
មនុស្សទាំងឡាយដែលនៅជុំវិញខ្លួន Jobs សុទ្ធតែអាចផ្លាស់ប្តូរបានទាំងអស់ លើកលែងតែ
លោក Jony” ។ លោក Jobs ក៏ធ្លាប់មានសន្ទរកថាដែលប្រកបដោយការគោរពសំរាប់បុគ្គលិក
របស់ខ្លួនផងដែរថា ” Ive គឺជាបុគ្គលដ៏ពិសេសដែលបានបង្កើតអោយមានភាពខុសគ្នារវាង
Apple ជាមួយពិភពលោកនេះ ។ ប្រសិនបើអោយខ្ញុំធ្វើការចង្អុលបង្ហាញមនុស្សម្នាក់ដែលជា
អ្នកជំនួយផ្នែកស្មារតីសំខាន់បំផុតក្នុងឆាកជីវិតខ្ញុំនេះគឺមានតែ Jony” ។
Robert Fridland – អ្នកនាំមកនូវផ្លាកយីហោ “ផ្លែប៉ោមបាត់មួយចំណិត”

លោក Robert Fridland បានជួបជាមួយ Jobs ខណៈពេលដែល Jobs នៅសិក្សានៅសាកល
វិទ្យាល័យ Reed មកម្ល៉េះ មិនយូរប៉ុន្មានក៏បានក្លាយជាមិត្តជិតស្និទនិងគ្នា ។ ហើយឈ្មោះក្រុម
ហ៊ុនថា “Apple” នេះគឺជាឈ្មោះដែលដាក់អោយដោយលោក Fridland នេះឯង ។ Jobs បាន
និយាយទាំងទឹកចិត្តរីករាយថា Fridland គឺមនុស្សម្នាក់ដែលបានបង្កើតនូវព្រឹត្តិការណ៍ជាប្រវត្តិ
សាស្ត្រតាមបែបចៃដន្យមែន ។
John Lasseter – បុគ្គលិកស្ថិតក្រោមការគ្រប់គ្រងរបស់ Jobs នៅក្នុងក្រុមហ៊ុន
ផលិតភាពយន្តតុក្កតា Pixar

បើទោះបីជាអ្នកទាំងពីរមានបុគ្គលិកលក្ខណៈផ្ទុយស្រឡះពីគ្នាមែន ប៉ុន្តែពួកគេនៅតែមានការ
សហការគ្នាធ្វើកិច្ចការងារប្រកបដោយភាពអស្ចារ្យនិងផលិតបានជាភាពយន្តដែលមានឈ្មោះ
ល្បីបំផុត Toys Story ។ Jobs កោតសរសើរចំពោះទេពកោសល្យ និងចក្ខុវិស័យរបស់លោក
Lasseter ជាហេតុធ្វើអោយលោកមិនខ្លាចក្នុងការដាក់ទុនយ៉ាងច្រើនចំពោះការផលិតខ្សែភាព
យន្តរបស់ Lasseter នោះឡើយ ហើយពួកគេក៏ទទួលបានជោគជ័យគួរជាទីមោទន ។

Bob Dylan – និមិត្តរូបរបស់ Jobs កាលពីនៅក្មេង

តាំងតែពីនៅវ័យក្មេងម៉្លេះ, Jobs ចាប់ផ្តើម”ចូលចិត្ត” អ្នកចំរៀងឈ្មោះ Bob Dylan នេះ។ គាត់
តែងតែបានទៅទស្សនាការសំដែងរបស់អ្នកចំរៀងនេះស្ទើរតែគ្រប់ការសំដែងមិនថានៅជិត
រឺឆ្ងាយនោះទេ ។ នៅក្នុងខ្លឹមសារនៃការធ្វើសន្ទរកថានៅចំពោះមហាជនទូទៅ Jobs ជាធម្មតា
គាត់តែងតែបានប្រើប្រាស់នូវពាក្យនៅក្នុងបទចំរៀងរបស់ Bob Dylan,ចំណែកនៅក្នុង iPod
របស់គាត់វិញគឺមានផ្ទុកសុទ្ធតែអាល់ប៊ុមចំរៀងរបស់ Bob Dylan ទាំងអស់ ៕

Copy right by http://camnews.com.kh

ហេតុអ្វីរបស់អ្នក Browser ខុសពីខ្ញុំ?

happylkt — Mon, 31 Oct 2011 13:51:55 +0000

តើអ្នកធ្លាប់បានស្គាល់ Browser ណាខ្លះក្នុងចំណោម Browser ដែលល្បីក្នុងពិភពបច្ចេកវិទ្យាដូចជា IE, Firefox, Google Chrome , Opera, Safari…។ តើមួយណាដែលអ្នកកំពុងតែប្រើ? សម្រាប់ខ្ញុំប្រើទាំងអស់ តែអ្វីដែលខ្ញុំប្រើជាងគេនោះគឺ Google Chrome ព្រោះវាមានសុវត្ថិភាពខ្ពស់បំផុត ហើយថែមទាំងដើរបានលឿនជាងគេផងដែរ អត់ចាំបាច់ខ្លាចរំខានដោយ Plug in ទេ រួមទាំងល្បឿននៃការបើក ជាពិសេសគឺសំបូរកម្មវិធីផ្តល់ដោយឥតគិតថ្លៃដូចជា ហ្គេម, កម្មវិធីបន្ថែមសម្រាប់ការិយាល័យ…។ សូមសាកល្បងដោយខ្លួនឯង ដោយប្រៀបធៀបទាំងល្បឿនរបស់វា។

http://www.google.com/chrome/intl/en/make/features.html?hl=en&brand=CHMB&utm_campaign=en&utm_source=en-ha-seaother-other-sk&utm_medium=ha

Twitter

happylkt — Mon, 31 Oct 2011 11:11:24 +0000

http://www.facebook.com/widgets/like.php?href=https://4kunkhmer.wordpress.com/2011/10/31/twitter/

តើអ្នកទាំងអស់គ្នាធ្លាប់បានលឺអំពី Twitter ពីមុនមកទេ? Twitter គឺជាសេវាកម្មថ្មីមួយដែលត្រូវបានបង្កើតឡើងនៅ USA ដំបូងក្នុងឆ្នាំMarch 2006 ដោយលោក Jack Dorsey ក្នុងគោលបំណងចែករំលែកព័ត៌មានខ្លី ហើយឆាប់រហ័ស ចំណេញពេល និងថវិការសម្រាប់ការលេង Internet ។ សម្រាប់សេវាកម្មនេះមានការពេញនិយមច្រើននៅ USA ពីសំណាក់អ្នកប្រើប្រាស់ ដែលបំរើឲ្យផ្នែកជំនួញ និងព័ត៌មានរហ័ស តែសម្រាប់ប្រទេស កម្ពុជា គឺពុំសូមមានការចាប់អារម្មណ៍ទេ ព្រោះវាមិនសូវសំបូរការកំសាន្ត ដូចជារូបភាព…។ Twitter គេប្រើវាភាគច្រើនសម្រាប់វាយសារខ្លីៗដូចទៅនឹង SMS អញ្ចឹង។ ប្រសិនបើអ្នកជាមនុស្សដែលចូលចិត្តទទួលបានព័ត័មានប្រតិកម្មរហ័សអ្នកគួរបែរមកសាកល្បងជាមួយ Twitter បានព្រោះវាគាំទ្រជាមួយ Smart Mobile Phone គ្រប់ប្រភេទ វាមានភាពប្រសើរជាងការលេង Facebook ឆ្ងាយណាស់។

www.twitter.com

ការប្រកួតរូបភាព Ione

happylkt — Sun, 30 Oct 2011 02:02:05 +0000

http://www.facebook.com/widgets/like.php?href=https://4kunkhmer.wordpress.com/2011/10/30/%e1%9e%80%e1%9e%b6%e1%9e%9a%e2%80%8b%e1%9e%94%e1%9f%92%e1%9e%9a%e1%9e%80%e1%9e%bd%e1%9e%8f%e1%9e%9a%e1%9e%bc%e1%9e%94%e1%9e%97%e1%9e%b6%e1%9e%96-ione/

ខាងក្រោមនេះជារូបភាពដែលខ្ញុំបានដាក់ប្រកួតក្នុង Ione photo contest ប្រសិនបើអ្នកដែលបានចូលក្នុង Blogs របស់ខ្ញុំសូមជួយចុចលើប៊ូតុង LIKE ហើយ Login ទៅកាន់ Facebook ដើម្បីគាំទ្ររូបរបស់ខ្ញុំដោយគ្រាន់តែ Click LIKE ជាការស្រេច កម្មវិធីនេះនឹងធ្វើការបញ្ចប់នៅថ្ងៃអង្គារ។

អរគុណចំពោះការគាំទ្ររបស់អ្នក ។

Why Hacker

happylkt — Sun, 30 Oct 2011 01:55:12 +0000

http://www.facebook.com/widgets/like.php?href=https://4kunkhmer.wordpress.com/2011/10/30/why-hacker/

សម្រាប់អ្នក IT គឺសុទ្ធតែធ្លាប់បានលឺពាក្យថា Hacker មិនថាខ្ញុំ ឬអ្នកដទៃក៏ដោយ តែមានភាពខ្លាចរអាល់ និងកោតសរសើរចំពោះអ្នក Hacker ទាំងនោះ ហើយមិន Hacker ទាំងអស់សុទ្ធតែជាមនុស្សអាក្រក់នោះទេ។ អ្នក Hacker ក៏ជាអ្នកព័ត៌មានវិទ្យាជាន់ខ្ពស់ផងដែរ អ្នកទាំងនោះធ្វើកិច្ចការក្នុងគោលដៅ ២ យ៉ាងគឺ៖ ធ្វើការបំបែក ប្រព័ន្ធរបស់អ្នកដទៃដើម្បីឲ្យក្លាយជារបស់ខ្លួន, ដើម្បីលួចឯកសារអ្នកដទៃ ព្រមទាំង ដើម្បី សាកល្បង ចំណោះ ដឹងរបស់គេ។ ក្នុងពិភពព័ត៌មានវិទ្យាបច្ចុប្បន្ន Hacker ត្រូវបានគេចែកជាក្រុមដូចខាងក្រោម៖

១. White hat: ជាអ្នកស៊ីឈ្នួលប្រឹក្សា និងពិគ្រោះយោបល់ផ្នែកសុវត្ថិភាព។

២. Black hat: អ្នកដើរតែបំផ្លាញ់ប្រព័ន្ធកម្មវិធីអ្នកដទៃ។

៣. Grey hat: អ្នកដែលមានចំណោះដឹងខ្លាំងខាងប្រើប្រាស់ Black hat តែបំរើឲ្យផ្នែករដ្ឋាភិបាល ដើម្បីការពារជាតិ។

គោលដៅដែលអ្នក Hacker ច្រើនប្រាថ្នាវាយប្រហារនោះគឺ គេហទំព័រដែលបំរើផ្នែកផ្លូវភេទ, ប្រព័ន្ធសុវត្ថិភាពរបស់ធនាគារ, ប្រព័ន្ធរបស់រដ្ឋាភិបាល….។ អ្នកទាំងនោះច្រើនប្រើវិធីសាស្ត្រដូចជា៖

SQL Injection: ជាវិធីសាស្ត្រដែលធ្វើការបញ្ច្រៀតកូដទៅក្នុង Website ដែលមានចន្លោះប្រហោង ហើយធ្វើការគ្រប់គ្រង ឬកែប្រែទាំងស្រុង។
Phising: ជាវិធីសាស្ត្របោកបញ្ឆោតអ្នកប្រើប្រាស់ឲ្យមានភាពច្រលំទៅទំព័រ Index របស់
KeyLogger: ជាវិធីសាស្ត្រដែលអ្នក Hacker លួចចូលមកក្នុងម៉ាស៊ីរបស់អ្នកប្រើប្រាស់ដោយពុំមានការអនុញ្ញាតហើយនាំយកព័ត៌មានដែលមានក្នុងម៉ាស៊ីនផ្ញើរចេញទៅ Hacker វិញ។
CyberGate: ជាវិធីដែលអ្នក Hacker ទើបស្វែងរកឃើញក្នុងការលួចគ្រប់គ្រងម៉ាស៊ីន Computer បានដោយងាយបំផុត។

ភាគច្រើននៃជនរងគ្រោះកើតចេញពីការចាញ់បោកទៅលើពពួក Trojan, Spyware, AddWare, AdsWare, Spam … ដែលពពួកមេរោគទាំងនេះមានច្រើនក្នុង Facebook ។ ហើយ Facebook ក៏ជាផ្នែកមួយនៃអ្នក Hacker ដែរព្រោះ អ្នកគ្រប់គ្រង Facebook បានបង្កើតនូវមេរោគម៉្យាងសម្រាប់លួចតាមដាន់សកម្មភាពរបស់អ្នកប្រើប្រាស់ដោយពុំបានដឹងខ្លួន ព្រមទាំងលួចយកព័ត៌មានរបស់អ្នកដែលប្រើផ្តល់លក់ទៅឲ្យរដ្ឋាភិបាលផងដែរ។ នេះជាទង្វើរខុសច្បាប់របស់ Facebook ក្នុងការបោកបញ្ឆោតគេទាំងរស់។

នេះជា Spyware ដែលតែងតែរំខាន់ចំពោះអ្នកប្រើ Facebook ។ សម្រាប់អត្ថបទនេះគឺបានមកពីការផ្តល់គំនិតរបស់មិត្តរបស់ខ្ញុំ សារ៉ាត ខេម។

Barcamp 2011 :-D អីក៏ :-D យ៉ាងនេះលោកអើយ!

happylkt — Sun, 23 Oct 2011 12:51:36 +0000

ថ្ងៃនេះជាថ្ងៃចុងក្រោយនៃកម្មវិធី Barcamp 2011 ដែលត្រូវប្រារព្ធនៅសាកលវិទ្យាល័យ ពុទ្ធិសាស្ត្រ បានបញ្ចប់ដោយជោគជ័យ ដោយមានការគាំទ្រពីអ្នកចូលរួមជាង 1000 នាក់ដែលមកពីគ្រប់សាកលវិទ្យាល័យ។ សម្រាប់រូបខ្ញុំមានភាពសប្បាយរីករាយខ្លាំងណាស់ចំពោះការចូលរួមក្នុងកម្មវិធីនេះ ហើយនេះជាឆ្នាំទី ៤ ហើយដែលខ្ញុំបានចូលរួមក្នុងព្រឹត្តិការណ៍ជាប្រវត្តិសាស្ត្ររបស់ប្រទេស កម្ពុជា ចាំតាំងពីខ្ញុំរៀននៅវិទ្យាល័យទី ១១ រហូតដល់ មហាវិទ្យាឆ្នាំទី ៣ ហើយក៏នៅតែចូលរួមក្នុងសកម្មភាពនេះដើម្បីធ្វើការចែករំលែកចំណោះដឹងជាសាកលផ្នែក IT ដោយមិនប្រកាន់អ្វីទាំងអស់។ ហើយខ្ញុំតែងសង្ឃឹមថាពីមួយឆ្នាំទៅមួយឆ្នាំ នឹងមានអ្នកគាំទ្រកម្មវិធីនេះកើនឡើងជាលំដាប់ ព្រមទាំងទទួលបាននូវអ្វីដែលថ្មីសម្រាប់អភិវឌ្ឍន៍ផ្នែក IT ក្នុងប្រទេសផងដែរ។

Barcamp 2011

VIEW SLIDE SHOW

DOWNLOAD ALL

ថ្ងៃទី ២ នៃកម្មវិធី BarCamp

happylkt — Sun, 23 Oct 2011 00:26:15 +0000

វេលាម៉ោងស្មាននេះគឺម៉ោង 7:18 ព្រឹក កម្មវិធីគឺពុំទាន់មានអ្នកចូលរួមម្នាក់សោះ ស្ងាត់ឈឹងៗ ខ្ញុំកំពុងតែអង្គុយតែឯងដើម្បី សរសេរកំណត់ហេតុលើ Blogs ។ សម្រាប់កម្មវិធីនាថ្ងៃទី មួយ នៃ Barcamp ហាក់ដូចជាសប្បាយម៉្យាងដែរ តែអ្វីដែលខ្ញុំអង្កេតឃើញនោះគឺ ចំណួនអ្នកចូលរួមកើតឡើងច្រើន បណ្តាលឲ្យមានការខ្វះខាតអាវសម្រាប់អ្នកដែលបានចុះឈ្មោះរួមលើ Online រាប់បញ្ចូលទាំងខ្ញុំម្នាក់ផង។ ហើយសម្រាប់ថ្ងៃនេះខ្ញុំសង្ឃឹមថាខ្ញុំនិងសំណាងល្អបានបើកអាវមួយសម្រាប់ពាក់ផងដែរ “ បើចូលរួមកម្មវិធី Barcamp ពុំបានអាវពាក់ ព្រៀបបានការមិនបានចូលរួមបែបនោះ” ។ ហាហាហា! Barcamp សប្បាយ អីក៏សប្បាយម៉្លេះន៎!

Barcamp 2011

happylkt — Sat, 22 Oct 2011 05:52:40 +0000

http://www.facebook.com/widgets/like.php?href=https://4kunkhmer.wordpress.com/2011/10/22/barcamp-2011/

ថ្ងៃនេះពិតជាអស្ចារ្យណាស់សម្រាប់រូបខ្ញុំដែលបានចូលរួមកម្មវិធី Barcamp 2011 ប្រចាំឆ្នាំនៅសាកលវិទ្យាល័យ ពុទ្ធិសាស្ត្រ ជាមួយអ្នកចូលរួមប្រមាណ 1000 នាក់ដែលបានអញ្ជើញមកពីគ្រប់ទិសទីក្នុងក្រុងភ្នំពេញ ដើម្បីចូលរួមស្តាប់ និងចែករំលែកចំណោះដឹងផ្នែក IT។ វាពិតជាព្រឹត្តិការណ៍ជាប្រវត្តិសាស្ត្រសម្រាប់កូនខ្មែរដែលអាចបង្កើតកម្មវិធីនេះបាន ក្រោមការឧបត្ថមពីក្រុមហ៊ុនជាច្រើន។ ហើយសម្រាប់ថ្ងៃនេះដែលខ្ញុំក៏មានប្រធានបទសម្រាប់ធ្វើការចែករំលែកទៅដល់អ្នកដែលបានចូលរួមក្នុងកម្មវិធីរបស់ខ្ញុំផងដែរ។ ប្រធានបទរបស់ខ្ញុំស្តីអំពី Microsoft Live Writer ។ ប្រសិនបើអ្នកចាប់អារម្មណ៍ចង់យល់បន្ថែមអ្នកអាចស្វែងរកប្រធានបទនេះបាននៅក្នុង Blogs របស់ខ្ញុំបានដើម្បីស្វែងយល់បន្ថែម។

Event Barcamp 2011

VIEW SLIDE SHOW

DOWNLOAD ALL