Posted on July 21, 2008 by happylkt
យន្តហោះពាណិជ្ជកម្មរបស់ពិភពលោកដែលប្រើថាមពលជីវៈប្រេងមួយផ្នែកនោះបានហោះចូលទៅក្នុងអាកាសកាលពីថ្ងៃទី២៥ ខែកុម្ភៈ ។ យន្តហោះប្រភេទ The Virgin Atlantic 747 បានហោះចេញលើផ្លូវរត់ពីអាកាសយានដ្ឋានអង់គ្លេសLondon Heathrow ទៅក្រុងអាំស្ទែរដាំ ជាមួយនិងប្រេងរុក្ខជាតិBabassy ចំនួន២០ភាគរយនៅក្នុងធុងប្រេងមួយនៃធុងប្រេងសំខាន់ចំនួន៤របស់យន្តហោះ ។ នាយកយន្តហោះ Virgin គឺលោករីឆាត ប្រេនសាន់ បាននិយាយថា ការហោះហើរជា “ ប្រវត្តិសាស្ត្រ”ជាជំហានដំបូងឆ្ពោះទៅរកការប្រើជីវប្រេងលើយន្តហោះពាណិជ្ជកម្ម។ ប៉ុន្តែគាត់បាននិយាយថា ការហោះហើរពាណិជ្ជកម្មដោយប្រើជីវៈប្រេងទាំងស្រុង ទំនងជាត្រូវគេប្រើរុក្ខជាតិផ្សេងៗដែលបានប្រើសាកលើយន្តហោះដឹកអ្នកដំណើរបច្ចុប្បន្ននេះ ។ ការហោះត្រូវបានធ្វើឡើងជាមួយដៃគូក្រុមហ៊ុន Boeing ក្រុមហ៊ុនផលិតម៉ាស៊ីន General Electric និង Imperium Renewable ក្នុងគោលបំណងកាត់បន្ថយនូវការបញ្ចេញជាតិការបោន ។ ក្រុមបរិស្ថានបានបដិសេធចោលភ្លាមៗការហោះសាកល្បងនេះ ដោយចាត់ទុកវាជា “ ការសម្ដែងឆ្កួតៗ ” ។ ពួកអ្នកធ្វើយុទ្ធនាការបាននិយាយថា ការសន្សំការបោនពីជីវៈប្រេងដែលជាញឹកញាប់យកចេញពីវត្ថុធាតុដើមដែលមានដូចជា ស្រូវសាលីអំពៅនិងប្រេងដូងមានតិចតួច។ហើយកំពុងមានការព្រួយបារម្ភកើនឡើងដែលថាជីវៈប្រេងធញ្ញជាតិអាចនឹងប្រជែងជាមួយការផលិតចំណីអាហារបំផ្លាញបរិស្ថានហើយ ធ្វើឱ្យជនជាតិដើមផ្លាស់ប្ដូរទីលំនៅ ។ លោករីឆាតនិយាយយ៉ាងទទូចថា ប្រេងរបស់គាត់ “ ការពារបរិស្ថាននិងទ្រទ្រង់សង្គម ” និងមិនបានប្រជែងជាមួយចំណីអាហារនិងប្រភពទឹកសាបទេ ។ [...]
Filed under: ព័ត៍មានអំពីបច្ចេក | Leave a Comment »
Posted on July 20, 2008 by happylkt
មានដំណឹងថ្មីទៀតហើយប្រិយមិត្ត ឥឡូវនេះគឺមានពុម្ពអក្សខ្មែរថ្មីទៀត ហើយសូមចាប់ផ្តើមទាញយក ចុចត្រង់នេះ
Filed under: ព័ត៌មាន | Leave a Comment »
Posted on July 20, 2008 by happylkt
បើកស្លៀកពាក់ថ្មី អាទិត្យសម័យ មានជ័យតេជៈ
សត្រូវខ្លបខ្លាច អំនាចរិទ្ធិត្បៈ មានជ័យជំនះ
ឈ្នះមារយង់ឃ្នង។
ចន្ទៈសិនេហា មន្រ្ដីរាជការ គាប់ចិត្ដកន្លង
អង្គារនឹងបាន [...]
Filed under: Song | Leave a Comment »
Posted on July 19, 2008 by happylkt
ពួកអ្នកវិទ្យាសាស្ត្រនៅក្នុងប្រទេស អាល្លឺម៉ង់ បានលេចមុខប្រកាសថា ទូទឹកកក និងម៉ាស៊ីនត្រជាក់នាថ្ងៃអនាគត នឹងឈប់ប្រើប្រាស់ចរន្តអគ្គិសនី ក៏ប៉ុន្តែគេបំបែរវាមកដំណើរការបានដោយប្រើកម្ដៅជំនួសវិញ ។អ្នកវិទ្យាសាស្ត្រវ័យក្មេងក្នុងក្រុមមជ្ឈមណ្ឌលច្នៃប្រឌិតឈ្មោះវីសែនប៊ូស ក្លែតបេត សហការគ្នាជាមួយមហាវិទ្យាល័យវិទ្យាសាស្ត្រអនុវត្តស្រាវជ្រាវបានសំដែងជំនឿយ៉ាងមុតមាំថាបណ្ដាប្រទេសជាតិក្នុងតំបន់ក្ដៅនឹងទទួលបានផលប្រយោជន៍ច្រើនជាងប្រទេសនានា ។
លោកសាស្ត្រាចារ្យ រ៉ាយន័រប្រោន ពីមជ្ឈមណ្ឌលខាងលើនេះបានបញ្ជាក់ថាប្រសិនបើនរណាធ្លាប់នៅក្រោយទូទឹកកកគេនឹងសង្កេតឃើញថាសីតុណ្ហភាពត្រជាក់ធ្វើឱ្យកើតជាកម្ដៅហើយសាកនឹកទៅមើលថា ឧបករណ៍ដែលក្លាស្សេអាហារឱ្យត្រជាក់វាច្រើនតែ កើតកម្ដៅរហូតស្ទើរតែប៉ះមិនបាន ។ ដូច្នេះ ហេតុដូចម្ដេចក៏គេយកកម្ដៅមកផលិតជាសីតុណ្ហភាពត្រជាក់ ក៏ប៉ុន្តែយើងតែម្នាក់គត់ដែលអាចសាងសីតុណ្ហភាពត្រជាក់ពីកម្ដៅឱ្យបាន ។លោកសាស្ត្រាចារ្យបានចង្អុលបង្ហាញទៀតថា ទោះបីជាបញ្ហាវាស្ថិតនៅត្រង់ការធ្វើកម្ដៅត្រូវប្រើថាមពលឱ្យច្រើន ដោយចំណាយចរន្តអគ្គិសនីមួយភាគធំទៅក្នុងប្រព័ន្ធថាមពលអគ្គិសនី ដូច្នេះហេតុដូចម្ដេចក៏យើងមិនងាកទៅចាប់អារម្មណ៍លើប្រភពថាមពលដ៏ធំបំផុតដែលយើងកំពុងមានស្រាប់នោះគឺភពព្រះអាទិត្យ។ លោកសាស្ត្រាចារ្យ ប្រោនបន្តទៀតថា ខាងក្រុមការងាររបស់លោកបានរួបរួមគំនិតហើយសម្រេចជាឯកច្ឆន្ទយកកម្ដៅដែលមានកម្រិតត្រឹមចង្ក្រានចំហុយមកប្រើដោយបានច្នៃប្រឌិតឧបករណ៍គំរូដើមទៅប្រើបង្កើតជាសីតុណ្ហភាពត្រជាក់នៅក្នុងបន្ទប់មួយក្នុងប្រទេសម៉ារ៉ុក។ ក្រៅពីនោះក៏បានច្នៃប្រឌិតឧបករណ៍នាំយកកម្ដៅពីគ្រឿងយន្ត កង្ហារ ឧស្ម័នឱ្យទៅជំរុញសកម្មភាពម៉ាស៊ីនត្រជាក់នៅក្នុងបន្ទប់ប្រជុំជំនួសវិញ ។
រាល់អត្ថបទដែលទទួលបានខាងលើគឺដកស្រង់ចេញពីសារព័ត៌មាន www.everyday.com.kh តើប្រិយមិត្តយល់ឃើញយ៉ាងដូចម្តេចចំពោះអត្ថបទខាងលើនេះ សូមផ្តល់ជាមតិយោបល់មកកាន់យើងខ្ញុំ! សូមអរគុណទុកជាមុន ចំពោះការចូលមកទទួលគេហទំព័រសម្រាប់កូនខ្មែរនេះ!
Filed under: ព័ត៍មានអំពីបច្ចេក | Leave a Comment »
Posted on July 18, 2008 by happylkt
អាទិត្យក្រហម ខ្ចី រឺ ចាស់ ចន្ទផ្លាស់លឿងទុំ ស្វាយអង្គារ
ថ្ងៃស៊ីលៀបសមសោភា ព្រហស្សតិ៍បៃតងត្រួយចេកខ្ចី។
ពណ៌ខៀវក្រនៀវប្រើថ្ងៃសុក្រ ពណ៌និលព្រិលទុកសៅរ៍សេរី
តែងខ្លួនតាមក្បួនលោកស្រដី ចំរើនសេរីជោគជ័យអើយ។
Filed under: ព័ត៌មាន | Leave a Comment »
Posted on July 15, 2008 by happylkt
យើងជាពលរដ្ឋខ្មែរ យើងត្រូវនាំគ្នាស្វែងយល់ពី ច្បាប់ចរាចរណ៍ផ្លូវគោក របស់ប្រទេសយើងឲ្យបានច្បាស់លាស់
សូមចុចត្រង់នេះ ដើម្បីទាញយកឯកសារ Click Here
Filed under: ព័ត៌មាន | Leave a Comment »
Posted on July 15, 2008 by happylkt
ពេលនេះខ្ញុំសូមណែនាំនូវកម្មវិធី PC Tools FireWall Plus ដែលប្រិយមិត្តធ្លាប់បានស្គាល់រួចមកហើយនូវ កម្មវិធី FireWall របស់ក្រុមហ៊ុនមួយចំនួន ដែលមានដូចជា Microsoft, PC Tools, Norton… តែឥឡូវមានកម្មវិធីរបស់ក្រុមហ៊ុមមួយក្នុងចំនោម ក្រុមហ៊ុនធំៗទាំងអស់នោះគឺអាចប្រើជាភាសាខ្មែរ យូនីកូដ។ ហើយដែលខ្ញុំទើបតែបានស្រាវជ្រាវបានសម្រេច ហើយក៏កំពុងតែព្យាយាមរកការស្នើរសុំការអនុញ្ញាតពីម្ចាស់ កម្មវិធីដើម្បីធ្វើការបកប្រែជាភាសាខ្មែរឲ្យបានពេញលេញ។ ហើយនិងគ្រោងដាក់ឲ្យដំណើរការនាពេលខាងមុខ សម្រាប់កម្មវិធីនេះផងដែរគឺមានភាពងាយស្រួលប្រើ ដោយហេតុកម្មវិធីនេះមានលក្ខណៈសុវត្ថិភាពខ្ពស់ ក្នុងការទប់ស្កាត់ការជ្រៀតចូលពីចម្ងាយរបស់ពពួកមេរោគនានាពី អ៊ីធឺណែត។ អាស្រ័យហេតុនេះខ្ញុំសង្ឃឹមថា ប្រិយមិត្តនិងរង់ចាំប្រើប្រាស់ដោយភាពគាំទ្រ វិស័យបច្ចេកវិទ្យារបស់កូនខ្មែរ។
Filed under: យូនីកូដខ្មែរ | Leave a Comment »
Posted on July 14, 2008 by happylkt
ព្រះមហាវីរក្សត្រ នរោត្តម សីហនុ បានមានព្រះរាជឱង្ការចូលរួមកិច្ចអបអរសាទរជាមួយប្រជាពលរដ្ឋខ្មែរ ដែល៣ថ្ងៃមកនេះ តាមកន្លែងខ្លះនៅតែប្រារព្ធទិវាអបអរការដាក់ប្រាសាទព្រះវិហារជា សម្បត្តិបេតិកភណ្ឌពិភពលោក ។
AFP file photo
សម្ដេចព្រះ នរោត្ដម សីហនុ អតីតព្រះមហាក្សត្រនៃព្រះរាជាណាចក្រកម្ពុជា។
អតីតព្រះមហាក្សត្រ នរោត្តម សីហនុ ដែលបានបង្ខំប្រទេសថៃឲ្យប្រគល់ប្រាសាទព្រះវិហារមកកម្ពុជាវិញ តាមផ្លូវតុលាការអន្តរជាតិបានមានព្រះរាជឱង្ការតាមរយៈមន្ត្រី ខុទ្ទកាល័យព្រះបរមរាជវាំង លោក អ៊ុំ ដារាវុធ នៅថ្ងៃនេះថាលទ្ធផលជោគជ័យថ្ងៃដាក់បញ្ចូលគឺជាប់ទាក់ទងនឹងថ្ងៃ ដែលតុលាការក្រុងឡាអេ កាត់ក្តីឲ្យថៃប្រគល់ប្រាសាទព្រះវិហារមកឲ្យកម្ពុជាវិញ ។
លោក អ៊ុំ ដារាវុធ បានមានប្រសាសន៍ថា ៖ «លោកបានបញ្ជាក់ច្បាស់ណាស់ថា បើសិនជាគ្មានថ្ងៃទី១៥ មិថុនា ១៩៦២ ទេ ក៏គ្មានថ្ងៃទី៧ កក្កដា ២០០៨ ដែរ» ។
អតីតព្រះមហាក្សត្រខ្មែរបានមានព្រះរាជឱង្ការថា ក្នុងព្រះរាជជីវិតព្រះអង្គព្រឹត្តិការណ៍ធំ៣ដែលព្រះអង្គតែងចាំមិន ភ្លេច គឺមួយនៅឆ្នាំ១៩៤៧ ដែលប្រទេសថៃបានសងមកកម្ពុជាវិញនូវខេត្តមួយចំនួនដូចជា សៀមរាប បាត់ដំបង ឧត្តរមានជ័យ ពោធិ៍សាត់ និងព្រឹត្តិការណ៍ធំ ទី២ គឺនៅឆ្នាំ១៩៥៣ ដែលខ្មែរបានទទួលឯករាជ្យពីប្រទេសបារាំង និងព្រឹត្តិការណ៍ទី៣ គឺជាថ្ងៃដែលខ្មែរឈ្នះក្តីរឿងប្រាសាទព្រះវិហារជាមួយប្រទេសថៃនៅ ឆ្នាំ១៩៦២ ៕
ប្រភព៖ [...]
Filed under: ព័ត៌មាន | Leave a Comment »
Posted on July 14, 2008 by happylkt
Posted on July 13, 2008 by happylkt
ប្រទេសជប៉ុនដែលនាំមុខគេក្នុងការបង្កើតជំនាញបច្ចេកវិទ្យាជាន់ខ្ពស់មួយពេលឥឡូវនេះបានឈានទៅរកការពិតបន្តិចម្ដងៗដោយសម្លឹងទៅរកមនុស្សយន្តដែលមានរូបរាង និងសមត្ថភាពប្រហាក់ប្រហែលនឹងមនុស្សពិតហើយដែលអាចធ្វើការជំនួសមនុស្សពិតបានយ៉ាងប្រាកដ។ ក្រុមហ៊ុនចំនួន២០០និងអង្គការជាង៥០មកពីប្រទេសជប៉ុននិងបរទេសបានចូលរួមការតាំងពិព័រណ៍មនុស្សយន្តអន្តរជាតិនៅក្នុងឆ្នាំ២០០៧ក្នុងទីក្រុងតូក្យូគឺជាពិព័រណ៍មួយបង្ហាញពីមនុស្សយន្តដ៏ធំបំផុតនៃពិភពលោក។ នៅក្នុងព្រឹត្តិការណ៍កាលពី២ឆ្នាំមុន ក្រុមហ៊ុនជប៉ុនបានតាំងបង្ហាញអំពីការច្នៃប្រឌិតរបស់ពួកគេចាប់ផ្ដើមពីមនុស្សយន្តផ្លុំត្រែឈរ ជើងពីររហូតដល់មនុស្សយន្តចាំទទួល ភ្ញៀវដែលទាំងពីរនេះបានត្រូវគេបង្ហាញនៅពិព័រណ៍ពិភពលោកនៅអៃជីភាគកណ្ដាល។ ផ្ទុយពីការតាំងបង្ហាញដ៏អស្ចារ្យកាលពីឆ្នាំ២០០៥ ការតាំងបង្ហាញពិព័រណ៍ដែលមានរយៈពេល៤ថ្ងៃត្រូវបានសម្ពោធឡើងកាលពីថ្ងៃពុធសប្ដាហ៍មុនដែលបានបង្ហាញពីមនុស្សយន្តមួយចំនួនដែលត្រូវបានបង្កើតឡើង ដើម្បីយកមកប្រើប្រាស់ក្នុងការរស់នៅប្រចាំថ្ងៃ។ លោកស័រឈី ហាម៉ាដា មន្ត្រីជាន់ខ្ពស់នៅសមាគមមនុស្សយន្តជប៉ុនបាននិយាយថា “ ពីរឆ្នាំបន្ទាប់ពីការតាំងពិព័រណ៍ដែលបានបង្ហាញនូវជីវិតអនាគតជាមួយមនុស្សយន្តវាជាពេលវេលាពិនិត្យមើលថា តើយើងអាចប្រើមនុស្សយន្តដោយរបៀបណា“ ។ លោកបានប្រាប់សារព័ត៌មានថា ” ឥឡូវនេះការអនុវត្តន៍ប្រើមនុស្សយន្តលេចចេញជារូបរាងហើយ។ ក្រុមហ៊ុនមួយចំនួននៅទីនេះបានដាក់ឱ្យមនុស្សយន្ត ឃើញអ្វីដែលមនុស្សយន្តអាចធ្វើបានយ៉ាងប្រាកដនៃកម្រិតបច្ចេកវិទ្យាសម័យនេះ“ ។
ខណៈពេលដែលមនុស្សយន្តការពារសន្តិសុខមួយចំនួនដែលបានបង្ហាញនៅទីនេះត្រូវបានគេយកទៅប្រើប្រាស់និងផលិតលក់ជាស្រេចហើយក្នុងប្រទេសជប៉ុននោះ មនុស្សយន្តដែលមានលក្ខណៈនិងសមត្ថភាពដូចមនុស្សក៏ត្រូវបានគេត្រៀមដាក់លក់ផងដែរ។ លោក តាតសួ ម៉ាតស៊ុយហ្សាគី បុគ្គលិកម្នាក់នៃក្រុមហ៊ុន គូគូរូ បាននិយាយថា “ យើងអាចឃើញពន្លឺក្នុងការអនុវត្តការប្រើប្រាស់នៃមនុស្សយន្ត”។ លោកនិយាយថា “ ពេលនេះយើងស្ថិតនៅក្នុងដំណាក់កាលផ្លាស់ប្ដូរពីពិភពរូបតុក្កតា ឬការបង្ហាញមកកាន់ពិភពជីវិតពិតជាមួយមនុស្សយន្ត”។មនុស្សយន្តវេជ្ជសាស្ត្រឈ្មោះ“ ស៊ីមរួដ” ត្រូវបានបង្កើតឡើងដើម្បីប្រើប្រាស់នៅក្នុងការហ្វឹកហ្វឺនផ្នែកវេជ្ជសាស្ត្រ
នៅសាលាទន្តសាស្ត្រ។ វាក៏អាចស្ដាប់ការណែនាំនិងមានប្រតិកម្មនៅលើការឈឺចុកចាប់ដោយកម្រើកភ្នែក ឬដៃ។
លោក ណាអូតាកេ ស៊ីប៊ូអ៊ិ សាស្ត្រាចារ្យនៅសាលាពេទ្យ នីពផន ដែលបានបង្ហាញពីអ្នកជំងឺមនុស្សយន្ត នៅខែកញ្ញា បាននិយាយថា “ យើងធ្លាប់មានរបៀបមួយចំនួនសម្រាប់ហ្វឹកហ្វឺនវេជ្ជសាស្ត្រប៉ុន្តែយើងត្រូវបង្ហាត់ទន្តបណ្ឌិតនាពេលអនាគតទាំងនោះឱ្យចេះចែករំលែកអារម្មណ៍របស់អ្នកជំងឺ“ ។
លោកបាននិយាយថា “ ដើម្បីសម្រេចបំណងទាំងនោះយើងត្រូវការបង្កើតមនុស្សយន្តឱ្យមានលក្ខណៈ និងសមត្ថភាពដូចទៅមនុស្សយើងពិតៗដែលអាចនៅជិតស្និតជាមួយមនុស្សពិតៗ ។ [...]
Filed under: ព័ត៍មានអំពីបច្ចេក | Leave a Comment »
