Posted on May 15, 2008 by happylkt
នេះជាមោទនភាពថ្មីមួយទៀត ដែលជាស្នាដៃរបស់កូនខ្មែរពិតៗ ដែលចេះមានគំនិតក្នុងច្នៃប្រឌិត ឧបករណ៍ដើរដោយថាមពលពន្លឺព្រះអាទិត្យបាន យ៉ាងល្អប្រសើរ។ ពេលនេះសូមណែនាំប្រិយមិត្តឲ្យបានស្គាល់លោក គង់ ផារិទ្ធ ដែលប្រិយមិត្តមួយចំនួនធ្លាប់បានស្គាល់រូបគាត់ តាមរយះកម្មវិធីទូរទស្សន៍ CTN។ លោកជាអ្នកដែលបានផ្តើមគំនិតក្នុងការស្រាវជ្រាវ រុករកនូវកង់ប្រើថាមពល ពន្លឺព្រះអាទិត្យ នេះឡើង។ ដោយសង្ឃឹមថា និងអាចផ្តល់ប្រយោជន៍ដល់កូនខ្មែរ នៅតាមទីជនបទអាចប្រើប្រាស់វា ដើម្បីធ្វើដំណើរទៅកាន់សាលា ដោយមិនចាំបាច់ប្រើយានយន្តទំនើបៗនោះទេ ហើយក៏មានគំនិតដើម្បីជួយកាត់បន្ថយការបំពុល បរិស្ថានក្នុងប្រទេសកម្ពុជានាពេលបច្ចុប្បន្ន ដែលជាហេតុធ្វើឲ្យឡើងកំដៅដូចនាពេលនេះ។ សម្រាប់រូបខ្ញុំសង្ឈឹមថានាពេលអនាគត កូនខ្មែរនិងអាចមានលទ្ធិភាពប្រើប្រាស់ ស្នាដៃរបស់កូនខ្មែរដោយភាពគាំទ្រជាមិនខាន់។ សម្រាប់ព័ណ៍មានបន្ថែមដើម្បីទំនាក់ទនងរូបលោក សូមទាក់ទងតាម 012 277 411 សូមអរគុណ!
Filed under: កម្មវិធី, ពាណិជ្ចកម្ម, ព័ត៍មានអំពីបច្ចេក, យូនីកូដខ្មែរ | Leave a Comment »
Posted on May 15, 2008 by happylkt
យន្តហោះដែលគ្មានមនុស្សបើកនឹងជួយដល់អ្នកវិទ្យាសាស្ត្រក្នុងការស្រាវជ្រាវណាដែលមានគ្រោះថ្នាក់ខ្លាំងក៏ឬមានការលំបាក សម្រាប់អ្នកបើកយន្តហោះដែលជាមនុស្ស ។ យន្តហោះគ្មានមនុស្សបើកត្រូវបានប្រើប្រាស់ ដោយកងទ័ពអស់ពេលជាយូរមកហើយ ប៉ុន្តែនៅពេលនេះវាកំពុងត្រូវគេយកមកប្រើសម្រាប់ផ្នែកវិទ្យាសាស្ត្រ។ ក្រុមអ្នកស្រាវជ្រាវមកពីអាជ្ញាធរមហាសមុទ្រជាតិនិងបរិយាកាសនិយាយថា Noaa គេអាចធ្វើការផ្លាស់ប្ដូរវិធីនៃការត្រួតពិនិត្យប្រព័ន្ធផែនដី។ ទីភ្នាក់ងារនេះបានជូនដំណឹងថា ខ្លួននឹងធ្វើការវិនិយោគក្នុងទឹកប្រាក់ចំនួន៣លានដុល្លារអាមេរិកសម្រាប់បច្ចេកវិទ្យានេះ។ លោកម៉ារទី រ៉ាល់ហ្វ៍ អ្នកស្រាវជ្រាវខាងឧតុនិយមវិទ្យានៅមន្ទីរពិសោធប្រព័ន្ធផែនដីនៅខូឡូរ៉ាដូនិយាយថា “ ខ្ញុំគិតថា យន្តហោះគ្មានមនុស្សបើក គឺជាគន្លឹះមួយសម្រាប់ដំណោះស្រាយនោះហើយវានឹងក្លាយទៅជាយន្តហោះដែលគេនឹងឃើញគ្រប់ទីកន្លែងក្នុងទសវត្សរ៍ដែលចូលមកដល់ឆាប់ៗនេះ “។ ទឹកប្រាក់ចំនួន៣លានដុល្លារ ដែលនឹងត្រូវធ្វើវិនិយោគសម្រាប់គម្រោង ការប្រើប្រាស់យន្តហោះគ្មានមនុស្សបើកនេះ គឺសម្រាប់គោលដៅបីយ៉ាង៖ ដើម្បីទស្សន៍ទាយពីកំណើននៃភ្នំភ្លើង តាមដានពីល្បឿនដុំទឹកកករដូវក្ដៅក្នុងមហាសមុទ្រអាកទិកដែលត្រូវរលាយនិងតាមដានថាតើខ្យល់ព្យុះក្នុងមហាសមុទ្រប៉ាស៊ីហ្វិកនឹងធ្វើឱ្យជន់លិចតំបន់ឆ្នេរសមុទ្រភាគខាងលិចសហរដ្ឋអាមេរិកដែរឬយ៉ាងណា។ ក្នុងខែវិច្ឆិកា ឆ្នាំ២០០៧ ភ្នាក់ងារ Noaa បានបង្ហោះយន្តហោះគ្មានមនុស្សបើកនេះមុនដំបូងបង្អស់ដែលមានឈ្មោះថា Aerosonde ចូលទៅក្នុងកម្លាំងខ្យល់របស់ភ្នំភ្លើង។ ក្រុមអ្នកវិទ្យាសាស្ត្រអាចធ្វើការតាមដានភ្នំភ្លើង NOEl ដោយការប្រើទិន្នន័យដែលយកបានពីយន្តហោះគ្មានមនុស្សបើកនេះនិងពីផ្កាយរណបទាំងឡាយ។
រាល់អត្ថបទដែលទទួលបានខាងលើគឺដកស្រង់ចេញពីសារព័ត៌មាន www.everyday.com.kh តើប្រិយមិត្តយល់ឃើញយ៉ាងដូចម្តេចចំពោះអត្ថបទខាងលើនេះ សូមផ្តល់ជាមតិយោបល់មកកាន់យើងខ្ញុំ! សូមអរគុណទុកជាមុន ចំពោះការចូលមកទទួលគេហទំព័រសម្រាប់កូនខ្មែរនេះ!
Filed under: ព័ត៍មានអំពីបច្ចេក | Leave a Comment »
